Chak lanné pou 28 òktòb, SPEG ka gloryé kréyòl adan kad a jouné kréyòl oliwon latè.
An 2020, davwa sitiyasyon-la té bandé parapòt a Covid, SPEG fè on sanblé olwen dèyè ékran. Lanné-lasa sé lokasyon pou SPEG kontinyé voyé kréyòl monté, é pwofité pou gloryé on mètamannyòk a kréyòl Gwadloup: Man Silvyàn TELCHID.
Tout vi a-y, lè i té byen pòtan i woulé kon woulé fèt pou moun a péyi-la kenbé kréyòl pa lans. Madanm-la té pwofésé a kréyòl épi fransé an komin Kapèstè. Nou konnèt li osi davwa i maké enpé liv alantou a lang é kilti kréyòl.
Kidonk, sé té annobligasyon pou SPEG gloryé mòso fanm-lasa.